Announcement

Collapse

Boardite Facebook Group


Hi All



For those boardites who are facebook we have a Boardite Facebook Group. Be sure to check it out.
See more
See less

Why Jamaican children do not Trick or Treat

Collapse
X
 
  • Filter
  • Time
  • Show
Clear All
new posts

  • Why Jamaican children do not Trick or Treat

    Benny: **Knock knock** Good eveling.. anybady in dere
    Ms Hortence: A who dat a knack pan di door dem hours a clack when mi a look fi turn in sah ..COMING!! HOLE AN.. Weh mi glasses deh..oh si it yah
    Benny: A me miss Hortence. Mi an Tony, Rico, Tamas, an Peta a Trick ‘o Treat Mam.
    Ms Hortence: (opens the Door) Weh yuh seh lickle bway? Talk again granny neva hear yuh.
    Benny: Wi Trick-Treating Mam. Yuh gat any Sweetie can put ina wi crocus bag?
    MS Hortence: Pickney yuh eva look ina di mirror an notice seh yuh noh gat any teet? A time yuh tap nyam di whole heap sweetie dem ..a only wan more teet lef fi drap outta yuh head.
    Benny: No mam.. mi teet arite…mi all bite cane wid mi wan teet mam. Beg yuh some sweetie noh.
    Ms Hortence: Arite ol an a minute ..mi suppose to have some icy mint ina mi bossom yah.
    Benny: Mam yuh noh have nutten sweeta dan icymint?
    Ms Hortence: Bway pickney yuh eva get a good smell affa yuh breat yet? Is why yuh tink is icy mint mi a look fi gi yuh? Tek dem ..si dem yah an share dem up wid di res a yuh nassy nose fren dem. Shoo! Go home now!

    The boys walked to another house.

    Benny: Nurse Philips! Ticka Treat! Ticka Treat!
    Nurse Philips: Benny! What on eart yuh doing Trick a treating for candy when yuh know yuh not well?!
    Benny: Nurse is Holloween an wi jus a beg sweetie fi di haliday Mam.. a feel fine tideh Nurse.
    Nurse Philips: Benny I am not going to give yuh any candy when yuh mada jus tek yuh to di clinic yestiday fi get worm medicine! Yuh know seh too much sweet sweet a gi yuh dem whole heap worm ina yuh belly? Chile go home before I call yuh moda fi get yuh off di street.
    Benny: Arite Nurse Philips Mi going home now. Tanks fi di worm medicine yestiday yuh hear ma. **cut yeye**

    The boys walked to a third home:

    Benny: HOLE DAAG!! Mass Sunny ooyee..Mas Sunny a mi Benny fram rouna lane a beg some sweetie sar
    Maas Sunny: Benny? Benny bway a yuh grow soh big an ugly? Benny a time yuh fi tap nyam sweetie yuh noh .. look pan yuh gut infront a yuh fi a lickle bway!
    Benny: An noh sweetie mek mi belly soh big Maas Sunny … a troo mi maada cook plenty salt powk a eveling time. Beg yuh some sweetie noh
    Mass Sunny: Well mi have some juju sweetie ina di dressa draw ..ole an yah soh mek a goh get dem fi yuh an yuh nassy nose fren dem.
    Benny: Tank yuh sah… yeeah wi ago sweetie!!
    Maas Sunny: Si dem yah.. noh mine di biting ants weh a crawl ova dem.. a troo dem ina di draw fi 2 mont now. Mass Sunny a get ole an mi false teet caan mange di tough sweetie dem like wan time. Unu can brush aff di ants dem an it nyam good same way.


    The boys walked to a fourth home:

    Benny: Bigga Don .. yuh deh bout ..a mi Benny a Trica Treat!
    Bigga Don: Seh wah lickle yout? Yuh a walk an a beg Sweetie.
    Benny: Yeah Man … mi get some sweetie fram couple peeple down di road excep fi mean Nurse Philips.
    Bigga Don: Mek mi si how much sweetie yuh have ina di bag deh yout
    Benny: A noh much but it can do ..si di bag here.
    BiggaDon: Mek mi si ..icy mint an juju sweetie.. nice! Just weh mi waan! My yout mi jus done smoke a spliff an mi ago hole an pan dem sweetie yah seen?
    Benny: Waaaahhhh Mi waan mi sweetie .. a how yuh fi tek weh mi sweetie dem... waaaah mi ago tell mi Moda seh yuh tek weh mi swetie dem.
    Bigga Don: Yuh betta move fram mi yaaad before mi set mi daag pan yuh to.
    Benny : (sob, sob) Yuh big ole dutty teif yuh!
    <span style="font-weight: bold"> Click HERE 4 Info.. </span>

  • #2
    Re: Why Jamaican children do not Trick or Treat

    *DWL* - Wendy ah trooo to baxcova - nat to mention seh dem prably beat yuh an carry yuh nack ah yuh madda yard an tell har seh yuh outta road ah beg food

    Comment


    • #3
      Re: Why Jamaican children do not Trick or Treat

      When Miley Cyrus gets naked and licks a hammer it's *art* and *music* - when I do it I'm *wasted* and *have to leave the hardware store*.

      Comment


      • #4
        Re: Why Jamaican children do not Trick or Treat

        LMAO.

        Dat deh sweet man, an true. .
        Island_Browning

        Comment


        • #5
          Re: Why Jamaican children do not Trick or Treat

          ...Lawd dat funny Wendy yu good!

          ------------------
          `I sing and dance across the stages of my life~

          Comment


          • #6
            Re: Why Jamaican children do not Trick or Treat

            Only you Wendy yu good nuh heck, DWL
            *yawn*

            Comment


            • #7
              Re: Why Jamaican children do not Trick or Treat

              **DWL**Wendy yuh always hav mi in stitches...

              Especially di ol teifing bwoy deh..a tru yuh nuh as dem dun bun di weed suh dem waaan sweetie...oops candy..

              (((Wendylooo))))

              Comment


              • #8
                Re: Why Jamaican children do not Trick or Treat

                DWL...good one Wendy!!!

                a wondah how long before me get dis inna me e-mail
                7/5th of all people do not understand fractions.

                Comment


                • #9
                  Re: Why Jamaican children do not Trick or Treat

                  BOAL!!! Wendy dis is too funny...tenk Gad seh mi neva trick ar treat. Cyan juss imajin mi likkle scandal bag fullup a bere bite up icymint.


                  Lawd, yu knoa seh wi ago si dis ten times ova pan di hintanet now!

                  Comment


                  • #10
                    Re: Why Jamaican children do not Trick or Treat

                    LOL. u fi start rite de suss dem pon a regula. dis was nice.

                    Comment


                    • #11
                      Re: Why Jamaican children do not Trick or Treat

                      <font face="Verdana, Arial" size="2">Originally posted by Jazz:
                      tell har seh yuh outta road ah beg food
                      </font>

                      yES DAT HAPPIN TUH ME TUH MI LIKKLE DUTY COUSIN TELL MI GRANNY SEY MI A BEG SHARPENA FI SHARPEN MI PENCIL. ONE PIECA BEATIN MI GET YUH SI. CHUPID!!!
                      Too often, we lose sight of life's simple pleasures.

                      Comment


                      • #12
                        Re: Why Jamaican children do not Trick or Treat

                        Dis funny no hell Wendy. Fi yu brain wuk diffarant dan everybady else mi a tell yu.

                        Comment


                        • #13
                          Re: Why Jamaican children do not Trick or Treat

                          Wendy, that was too funny!

                          Comment


                          • #14
                            Re: Why Jamaican children do not Trick or Treat

                            Wendy gal, yuh fi guh write play, yuh have a helluva talent.

                            Life is to be lived,not contemplated!

                            Comment


                            • #15
                              Re: Why Jamaican children do not Trick or Treat

                              *Clapping hands Well done Wendylina! Well done indeed! Dat is exactly wha woulda happen. Worse ting poor Benny caan go home go tell him modda sey dem tief him sweetie, or else him would get a pieca hassen

                              Comment

                              Welcome to vBulletin!

                              Collapse

                              Welcome to your vBulletin forum! You can click "Edit Site" above for site administration options.

                              ads

                              Collapse

                              Latest Topics

                              Collapse

                              Trending

                              Collapse

                              There are no results that meet this criteria.

                              Working...
                              X