Announcement

Collapse

Boardite Facebook Group


Hi All



For those boardites who are facebook we have a Boardite Facebook Group. Be sure to check it out.
See more
See less

Ode to Miss Lou...

Collapse
X
 
  • Filter
  • Time
  • Show
Clear All
new posts

  • Ode to Miss Lou...

    As wi all know by now Ms Lou gwine pay us a visit in de near fyucha. Dis is an invitasahn fi all yuh poetically inclined boardites fi rope een an give har sum respeck in verse (patwa, of course).

    Fimme cantribution will show up by de week-en.

    Mek wi run wid dis nuh? Moderators please keep this featured until after the visit. Thanx.
    "I'll do anything for love, but I wont do THAT! "
    -Meatloaf

  • #2
    Re: Ode to Miss Lou...

    Mi glad fe see u cum bak bwoy
    But laad u let mi dung
    Mi shame a u tell mi all a mi proudness drap a grung
    U mean u go afarrin and spen six whole months
    And come back nat a piece betta dan how u did
    go wey
    Nat eben likkle language bwoy
    Nat even likke twang
    http://i44.photobucket.com/albums/f4...sop/Sweets.gif

    Comment


    • #3
      Re: Ode to Miss Lou...

      An yuh sista wat work ongle
      One week wid 'Merican
      She talk so nice now dat we have
      De jooce fe undastan?


      Bwoy yuh couldn' improve yuhself!
      An yuh get soh much pay?
      Yuh spen six mont' a foreign, an
      Come back ugly same way?


      Not even a drapes trouziz? or
      A pass de rydim coat?
      Bwoy not even a gole teet or
      A gole chain roun yuh t'roat.


      Suppose me las' rne pass go introjooce
      Yuh to a stranga
      As me lamented son wat lately
      Come from 'Merica!


      Dem hooda laugh afta me, bwoy
      Me could'n tell dem soh!
      Dem hooda sey me lie, yuh was
      A-spen time back a Mocho.


      Noh back-ansa me bwoy, yuh talk
      Too bad; shet up yuh mout,
      Ah doan know how yuh an yuh puppa
      Gwine to meck it out.


      Ef yuh want please him meck him tink
      Yuh bring back someting new.
      Yuh always call him "Pa" dis evenin'
      Wen him come sey "Poo".
      Yesterday is History!
      Tomorrow is a Mystery!
      Today is a Gift!
      That's why it's called the Present!!!

      Comment


      • #4
        Re: Ode to Miss Lou...

        si a nex one yah
        mi did haffi lawn dem yah a school and hack dem out...nobady couldnt hack lakka mi an mi still dweet now dats mi inna kalij


        Gwan gal yuh fava teggereg,
        Ah wey yuh gwine goh do?
        Yuh an yuh boogooyagga fren
        Dem tink me fraid o' yuh?


        Goh wey, yuh fava heng-pon-nail,
        Is me yuh want fe trace?
        Me is jus de one fi teck me han
        An leggo pon yuh face.


        Fe me han noh jine chu ch an me naw
        Pay licen fe me mout',
        Me wi tell yuh bout yuh--se yah
        Gal noh badda get me out.


        Me noh know is wat kine o' chu'ch
        Fe yuh mout' coulda jine,
        Yuh lip dem heng dung lacka wen
        Mule kean meck up him mine.


        Gwan, me an yuh noh combolo,
        Yuh foot shapeless an lang
        Like smaddy stan far fiing dem awn
        An meck dem heng awn wrang.


        Fe yuh foot fava capital K,
        Koo pon yuh two nose-hole!
        Dem dis big an open out like
        Miss Tane outsize fish bowl.


        Goh wey, yuh kean bwile sof egg
        But still yuh want get ring,
        Noh man na gwine fe married yuh
        Wen yuh kean do a ting.


        Is grudge yuh grudgeful, me kean cook
        But me ben goh dah good school,
        Me got intelligency yuh
        Illiterated fool !


        Me sorry fe de man yuh get
        De po' ting hooden nyam
        When you ackebus him salt-fish
        An bwilivous him yam.
        Yesterday is History!
        Tomorrow is a Mystery!
        Today is a Gift!
        That's why it's called the Present!!!

        Comment


        • #5
          Re: Ode to Miss Lou...

          Louise Bennett, who was the first black person to be admitted to RADA, became one of the best-loved entertainers in the Caribbean, renowned for bringing Jamaican dialect to the stage.

          Bennett received a British Council Scholarship to study at RADA in 1948. Shortly after she was admitted, she was offered a job with the Caribbean service of the BBC. She went on to work with repertory companies in Coventry, Huddersfiled and Amersham.

          On her return to Jamaica she taught drama to youth and adult groups. And she performed regularly across the Caribbean, where she was known as Miss Lou, reciting poems in Jamaican dialect. Her research and folklore creations have helped to save much Jamaican folk material from extinction. She has also lectured extensively in the US and the UK on Jamaican folklore and has received numerous honours for her work.

          Bennett lives in Canada.

          "My auntie say it bother her every time she hear people call fi we language, corruption of the English language. But should call the English language corruption of the Norman, French and the Latin and the Greek. What them say, English was derived from. You hear that, English derive and we corrupt. Not na go so. We derive too. We derive."
          Yesterday is History!
          Tomorrow is a Mystery!
          Today is a Gift!
          That's why it's called the Present!!!

          Comment


          • #6
            Re: Ode to Miss Lou...

            me ago deh at wuk wen miss lou a come so can somebody ask her about speaking proper.
            I have no desire to take all black people back to Africa; there are blacks who are no good here and will likewise be no good there.
            Marcus Garvey

            satire protected speech soo more fiyah

            Comment


            • #7
              Re: Ode to Miss Lou...

              I want to give a majah hail out to Miss Lou. We done know se she a di original don-ga-gan. Done know nuff respect. Does anyone know one of her poem name Back to Africa Ms. Matty? If so could you please tell me how i can fine it. I really love dat poem and mi nuh know whe fi fine it. Tanks.


              --------------------------------------------------
              Everyone has knowledge. The diffence between the smart and the common people is that they choose to use thier knowledge to their advantage. [img]/forums/images/graemlins/laugh.gif[/img]
              Tomorrow is never promised

              Comment


              • #8
                Re: Ode to Miss Lou...

                Mi likkle tribute to Ms. Lou. A ongle hope shi like it [img]/forums/images/graemlins/smile.gif[/img]


                Dem talk bout 'ow yuh chat bad
                An try fi skin up dem nose pan yuh
                When all yuh did a duh a mek di people glad
                An mek wi lingwa 'internationally acclaimed' tuh

                Mi glad yuh nevva mek dem back yuh dung
                Or shun yuh fram weh yuh did fi duh
                Di huma and lawfta weh yuh bring
                Brighten wi days and chase weh di blues tuh

                Yuh enlighten an larn wi bout wi heritage
                Bout di rollin calf, duppy and anancy
                A Satdeh evelin time wi siddung pan di verandah wid wi bebridge
                A tek yuh een pan di radio wid Maas Ranny

                Mi like 'ow yuh did tell di bwoy
                'Ow him nat even have 'No Likkle Twang'
                All when di ooman dem a 'cuss-cuss'; lawd oye
                Shi tell di nedda one 'ow har foot dem heng awn wrang

                Ms. Lou mi waa fi tell yuh mam
                'Ow grateful mi is fi di works yuh duh
                Yuh help mi fi become proud a wi patwa and wi land
                Mi nuh haffi speakie-spokie and twis up mi mout, tanks agen tuh yuh.
                "I may be silent, but I'm thinking. I may not talk, but don't mistake me for a wall."

                Comment


                • #9
                  Re: Ode to Miss Lou...

                  ****clap hands, clap hands.....****

                  ^5, go deh Churchie...., u have many tolents man, [img]/forums/images/graemlins/laugh.gif[/img]

                  Ms Lou, must get a kick outta dat.., [img]/forums/images/graemlins/laugh.gif[/img]
                  “Those who know your name will trust in you, for you LORD, have never forsaken those who seek you” (Psalm 9:10)

                  Comment


                  • #10
                    Re: Ode to Miss Lou...

                    Wi glad fi si yuh, Miss Lou!

                    Bway tan up strate, square yuh showldah
                    Mek mi check if yuh did brush yuh teet
                    How cum yuh naw ack much bolda
                    Yuh nuh know seh a digniterry yaw greet?

                    Mek a si if backa yuh aize dem clean
                    Yuh did figgat fi wash yuh fayce?
                    Tiddeh yuh agoh meet a real queen
                    Soh noh badda cum kill mi wid disgrace!

                    An a wah kine a rinkle rinkle dem deh
                    All ova yuh tite foot pants?
                    Oonu si mi dyin tryal eenya tiddeh
                    Likkle moas mi fall eena trance!

                    Awrite, at leese yuh comb yuh hair
                    Cum mek mi duss awf de dandruff
                    Nung juss memba fi siddung rite pan de chair
                    Mi noh waan peeple tink seh mi raze ole cruff!

                    Mine yuh mannaz! Please, tenk yuh mam!
                    An noh nyammin wen she a tawk!
                    Miss Lou a respeckful ooman, bawn Jumaycan!
                    Soh mi a beg yuh, noh badda ack dawk!

                    An wen time cum fi yuh shake har han
                    Sumile an kip yeye contack wid har
                    Nuh look sideway lakka yaw teefin man
                    Mek she feel welcum, tell har she a star!

                    Tell har hoo much yuh enjayie har werk
                    Mek she know seh respeck is jew
                    Show yuh nallidge, noh ack like a jerk
                    She is a tap-a-de-line dawta fi troo!

                    A ongle wish she cooda tan likkle langga
                    But we haffi be willin fi shayre
                    Chattin wid har, mi is no straynjah
                    A juss hope she cum back nex ere!

                    Bandido1
                    "I'll do anything for love, but I wont do THAT! "
                    -Meatloaf

                    Comment


                    • #11
                      Re: Ode to Miss Lou...

                      Dido!!! A it dis man!!!! Fi real....yu soun verymuch well [img]/forums/images/graemlins/laugh.gif[/img] Even though yu tek a likkle time fi come wid it [img]/forums/images/graemlins/blush.gif[/img] But it sound good man - fi real

                      ^5! [img]/forums/images/graemlins/laugh.gif[/img]

                      Comment


                      • #12
                        Re: Ode to Miss Lou...

                        Why, thank you Ms P. A hope Miss Lou like ie!
                        "I'll do anything for love, but I wont do THAT! "
                        -Meatloaf

                        Comment


                        • #13
                          Re: Ode to Miss Lou...

                          wicked Bandi..., [img]/forums/images/graemlins/laugh.gif[/img]

                          fe real, me is shacked, [img]/forums/images/graemlins/blush.gif[/img]

                          never know u had it in u, [img]/forums/images/graemlins/wink.gif[/img]
                          “Those who know your name will trust in you, for you LORD, have never forsaken those who seek you” (Psalm 9:10)

                          Comment


                          • #14
                            Re: Ode to Miss Lou...

                            Lik 2 shat fi dat Bandi..

                            Comment


                            • #15
                              Re: Ode to Miss Lou...

                              Hey-hey wat a eggsitement pan Ja.com
                              Cah big-big celebritty in town!!

                              Good awfta-noon Miss Lou & how do you do?
                              Wat a pleja an haner it is to meet you!!

                              Fram mi likkle bit y’noh mi hov been a fan
                              Yeah man, fram mi bawn & grow eena Englan!

                              Yuh talented bad Miss Lou, mi admire you….
                              Mek mi tek ah stan an clap, cah nuff respek due!!

                              *Whipsparin***
                              Hey Miss Lou, yuh cyaan seh mi neva chry waan yuh, yuh si…
                              But, watch out fi di wan dem call “Tiffy-Taffy”!!

                              An all di wan name “chickie”, well shi gi mi nuff joke
                              But, yuh waan hear shi chry speak prapper when shi ah spoke!!

                              All di wan name “Ctry”, is mi sistren all di same
                              BUT, wat ah ooman cyan chat…..shi noh ha NO shame!!

                              Yuh si di wan call “Queen”, noh menshan musik to she
                              Cah fram mi knoah har till now…..shi ah kill di wan sang “Sammy”!!!

                              An den dere is “jahlive” ….missis, yuh betta hole awn to yuh frack
                              Cah mek mi tell yuh fram now im is very slack!!

                              Di man noh tap walk roun ah look feel-up
                              Anyweh ooman deh, yuh wi fine im ah eggsup!!

                              Den im ave a bredda weh dem cawl BrukBrak…
                              Ow im get dat deh name deh?…Yuh betta awsk im di facts!!

                              Mi cyaan figget Di man of di board, his royal bawss-man “Xavier”
                              Di poor man neva realize im udda end up wid dem mad people in yah!! [img]/forums/images/graemlins/wink.gif[/img]

                              An mi? Well mi is di hangel in di place
                              Tun roun an look pan mi, yuh noh seet in mi face? **kin-teet** [img]/forums/images/graemlins/laugh.gif[/img]

                              ~~~~~~~~~~~~~~~~~~~~~~~~~~~~~~~~~~~~~~~~

                              Hennywayz Miss Lou, nuff tanks an for paying us visit…..Keep di lawffs dem comin dawlin….((((Miss Lou)))) [img]/forums/images/graemlins/wink.gif[/img]
                              http://i951.photobucket.com/albums/a...04/pepper2.jpg
                              <span style="font-weight: bold">ONE LOVE, HEALTH, PEACE &amp; HAPPINESS</span>
                              <span style="font-style: italic">&quot;free your heart from hatred...love all...give more...expect less&quot;</span>

                              Comment

                              Welcome to vBulletin!

                              Collapse

                              Welcome to your vBulletin forum! You can click "Edit Site" above for site administration options.

                              ads

                              Collapse

                              Latest Topics

                              Collapse

                              Trending

                              Collapse

                              There are no results that meet this criteria.

                              Working...
                              X