Announcement

Collapse

Boardite Facebook Group


Hi All



For those boardites who are facebook we have a Boardite Facebook Group. Be sure to check it out.
See more
See less

We hear sey....Tories fram dung a Kuntry

Collapse
X
 
  • Filter
  • Time
  • Show
Clear All
new posts

  • Chrissy72
    replied
    Re: We hear sey....Tories fram dung a Kuntry

    Sweetssop wha mek yuh neva tell mi sey yuh an Neville was tird cousin?

    Leave a comment:


  • KeishavKB
    replied
    Re: We hear sey....Tories fram dung a Kuntry

    Soon come back... mi a go read an come back.

    Cooking? hmmmmm Dinner's production was the husbands affair but wi done eat an a relax fram when.

    Leave a comment:


  • Hush Darlin
    replied
    Re: We hear sey....Tories fram dung a Kuntry

    Originally posted by Rusean (pronounced Russian):
    [qb] unno cyan chat eeh! [/qb]
    u betta mek sure sey u read the whole a it..ie real funny ie si

    Leave a comment:


  • Chrissy72
    replied
    Re: We hear sey....Tories fram dung a Kuntry

    Originally posted by Rusean (pronounced Russian):
    [qb] unno cyan chat eeh! [/qb]
    Gewy fraw yah an tap gwaan like yuh nuh noe peeple torey to.
    We cyan chat but yuh cyan faws eeh, yuh eena di torey pee pee cluck cluck.

    Anyways, how yuh duh girl chile, yuh cook done?

    Leave a comment:


  • KeishavKB
    replied
    Re: We hear sey....Tories fram dung a Kuntry

    unno cyan chat eeh!

    Leave a comment:


  • Chrissy72
    replied
    Re: We hear sey....Tories fram dung a Kuntry

    Mi ax har wha mek she nuh tell har, but she sey di gyal nuh chat to har, an fram di time when Neville did pramise fi kick har when she Melva an Dulcie did ketch up dung a pipe she nuh biznizz wid nutten whey Dulcie an Neville eena, mi tink she noe dough, but chue she shame she dey gwaan like she nuh noe. But as Melba sey she nuh biznizz widdi, mi nuh biznizz needa, dat a fi dem kekkle a fish.
    A so dem gyal dey tan, love have dem eepa pickney, den yuh tink har mah betta, yuh nuh noe sey a 15 a dem she one gat fi 13 diffrant man? yuh tan dey, tap fraw gwaan like a news to yuh. One time sumaddy tell mi sey one gyal an one ah har sista ketch up dung a Miss Merzel shap an di gyal tell har sey she gat one pickney every Mondey mawning [img]/forums/images/graemlins/704555_dwl.gif[/img] if mi whay diddey dem wudda haffi tie mi, mi laff so till mi jrap a grung di day wen mi ere...aye sah.

    Lawd a massy, a so Flotto di get im fame fi reel, nuh care a wha time a day, im dey spoat di peeca dawk glass, livin eediat, den yuh neva notice im one red Travel Fox? nuh care a wha kine a cloze im gat awn im inna di red boot, an every time im wawk im look roun an roun pan imself like imma duh di tatty dance [img]/forums/images/graemlins/704555_dwl.gif[/img]
    Mi nuh noe di troot to im an di mawkit gate keepa wuk, caw mi ere sey a run dem run im whey wid obya, mi nuh noe a so mi ere peeple sey, caw im didda gwaan like dung a mawkit a feem so dem get ridda him, den feem side addi torey now is dat im cyaa badda wid dung dey an im inna diffrant league yah now, mi want fi noe a wich league dat, caws mi hear sey im didda wawk an tell peeple sey im get wuk a airpoat fi tun security, all now an a whole eepa years dat now, im still dey roun dey bax bread outa dawg mout.

    Mi hear sey Miss Leena big son dem did come from Town fi beat him fi pay fidi fone call dem whey im mek an im run whey, no baddy cudden fine im fi one lang time, dem dey bwoy nuh ez eeh, dem teef from even di sick. Miss Leena did get di false foot whey har sista did fi bring fram Englan fi har? Mi hear di suga tek ova di whole a har baddy an dem did cut off di adda foot, a chue? Poor Miss Leena, she wassa nice lady eh nuh, she always call we an gie we neezeberry when we wassa come fram Primary skool, an di neezeberry dem did sweet yuh si, but lightening did strike di tree an killi, mi bex so till, mi hear peeple didda sey a chue di tree dead mek Miss Leena tek dung sick, dem dey setta peeple dey, if dem spread a news pah yuh anybaddy wee tink a chue.

    Leave a comment:


  • Hush Darlin
    replied
    Re: We hear sey....Tories fram dung a Kuntry

    Shi muss 5 monts missis and mi hear sey ar fadda sey anyhow de bwoy wey breed him dawta noh tan by har him gwine fix im biznin.
    Mi ma!!! mi neva benta dung a Mukko yet..mi fraid a dem people dung dey missis ...mi hear bout da madda ooman dey an guess mi wat a noh de teecha gal granny so u kno sey Neville behine gwine prap...jus like wen dem bun wangla and black peppa fe prap smaddy behine if dem poop near smaddy house.
    U memba Kahpie the eeidat boy wey always a walk up and dung pan de road..u kno sey im ha waan sore foot right!! well Nerva did tell mi one time sey a Nowheyfah aunty wey name Jaycie did go to da same madda ooman dey dung a Mukko and set guzzo fe geem sore foot caa him use to teef har bingo bag drawz dem offa de line wen she wash demn and heng dem out...she sey nobady coulda leave none a dem baggy pan line an go back go fine ie
    Mi hear sey im did ha waan crokus bag wey im store dem eena and sometime him does wear dem...especially de tangs dem

    Leave a comment:


  • Chrissy72
    replied
    Re: We hear sey....Tories fram dung a Kuntry

    Originally posted by Sweetssop:
    [qb] den tap afta a noh Manchesta de teecha gal cum fram she come fram dung a mukko and a har madda and fadda struggle fe sen har go a teechas kallige so she coulda come out and help har 6 sista and har 7 bredda and a so she repay dem bout she ga breed...
    She mussi noh kno sey dat dey bwoy Neville wukliss and noh ah no ambishan...even if dem marrid ie nah lass lang caa dat dey bwoy lub ooman too much..
    But den a Mukko she come fram and dem dey people noh ramp fe chrow obeah or guzzo pan him...so mek him tan dey....him finally meet him match. [/qb]
    Mi sarry fi di poor gerl yuh si, a dem dey situashan peeple sey "if mi did noe" but mi reely hope tings guh well fi she dough. Hummuch monts she reech inna di pregnancy, a wee bout 5 arr 6 now to wha mi hear.
    Massy mi king, a lang time mi nuh guh ova Mukko, mi nuh guh dey ova 10 yrs now. Tawkin bout dat, yuh memba di madda ooman who did live craws di riva? mi sey one time mi guh mek di mistake an call har obyah ooman wen sumaddy didda ax if mi noe whey sumaddy live, mi now pint an tell di man sey juss as im paws di obyah ooman yawd...mi friten till mi naily dead when mi hear she stawt to reel out some Bible verse an stawt to sing an spin har role an call mi devil pickney, mi run paws mi yawd an guh ova di haringe wawk guh sidung anda di tent whey di ranger dem always dey, mi fret fi bout a year, any likkle ting mi si pan mi baddy mi fret sey a she fling obya anda mi kacka. Inna dem dey time mi read mi Bible nite an day, front to back. Mi neva yet like ova dat dey place mi chile, so mi kip far. Mi hear di ooman dead laws year an a rolling calf she tun inna di place, by 5 aclack a nite time di road scanty, mississ, mi hear sey when she dead dem bwoy bout dem dey kip dance uppa di square, dem sey a di fuss nite dem witniss har dey gallop up an dung pan di road wid peeca chain dey draw bakka har, mi hear even di soun man run whey leff di soun...dem dey place too evilous fimi, mi fraid a dem dey place. Since when yuh guh dung dey?

    Leave a comment:


  • Hush Darlin
    replied
    Re: We hear sey....Tories fram dung a Kuntry

    Den Chrissy so wha mek Melva noh tell de gal,,wey she name again...laawd mek mi tink...ahhhhh mi meba now she name Dulcie...de likkle pickney a go 5 and mi hear sey she ha two more fe two diffrant man and she dey breed again fe waan bwoy wey a baggage bowy pan Miss Chin bus wey travel fram Bay to St Elizibet....a wha mek dem likkle gal dey love fe breed so and dem cyaan feed de pickney dem and de man dem nah min dem needa...dem noh kno wha name birthc kantrol

    Yess missis mi memba Flotto Flotto a noh him a di one wey always wear de dawkaz even eena moon shine and dark nite and him a always gwan like a sey him a ristocrat. what a bowy fo fool mek him luib fe run up him mouth so.....wey im tink becauze him dey pon plane him tink sey him safe...so wey eem dey now...caaw mi noh seem bout the place...mi sure sey him mussi did gi up him jab dung a mawkit as the gate keepa///serve him right mi noh sarry feem caa one time him did use Miss Leena phone a call Englan and neva pay har fe de fone call...him is wuckliss and a skruff jus like him bredda Neville

    Leave a comment:


  • Chrissy72
    replied
    Re: We hear sey....Tories fram dung a Kuntry

    Tappi nize Sweetssop, mi dis done tawk wid Melva pan di fone, mi ax har bout di gyal who Neville did gie di rang nayme, an guess wha, she sey di gyal did gie di pickney name Jr. Partrick Livinston Jr. [img]/forums/images/graemlins/704555_dwl.gif[/img] A wanda eff she fine out sey a nuh dat a him name fi real? di likkle bwoy a bout 4 yah now, a wanda wha she go tell di poe likkle pickney sey if or when she fine out...bwoy man wikid fi chue eh nuh, aye sah...all now mi yie dem full up a wata an mi belly battam dey hat mi from laffin.
    Den watch yah, mi naily mose figet, yuh memba Neville bredda whey dem call flotto flotto, Melba sey im did guh a Englan di adda day, an di same flite whey im guh pan a it bring im trait back a yawd, mi hear him ax one addi airhostiss sey if im brejrin dem nuh come feem if dem can elp im fine sumaddy fi stay wid caw im trick di peeple dem uppa di embassy an tell dem sey a im family dem im gat dey, den yuh noe ow dem did show awf fram mawnin, mi hear im stawt fi chat hummuch an hummuch im pay fi dis an dat fi get some paypas an ting an bring dem guh a di embassy, mi hear dem dont even mek im cum outa di plane [img]/forums/images/graemlins/704555_dwl.gif[/img]

    Leave a comment:


  • Hush Darlin
    replied
    Re: We hear sey....Tories fram dung a Kuntry

    Yes missis Compry did tell mi bout how Nunville did did a bruck eena de shap and how dem shat him wid fish gun eena him batty caa a dung a fi har yaawd him run cme fe mek har grany pull out the arrow out a him batty fi him.
    Mi hear sey she had to bwile some cow dung and hawsie fettita wid 3 dead skarian and 3 farty leg and 1 senake fi bade ie so de arrow nay pizen him...
    Den Compry granny Miss Maud did sen him roun a Kacka Karna to Madda Vie so she could mix up waan poshan geem fi drink...But you kno sey wen you go to see Madda Vie you hafi tun the rroll and him nay wan dweet and a de same gal Peaches did have fe come dung dey and beg him fi dweet or else Madda Vie did a go tun out har Vibracious dawg pan him.
    Mi did seem one time jus afata him did get shat and him did a walk higgidy dip higgidy dip, but wen im see mi him mik hase and go chroo waan shawt cut but mi did arready seem.....
    Mi did hear sey one time Peaches did hear two puss a dweet and u kno sey wen dem dweet dem halla and mi hear sey u shoulda see har ...shi puddung a pieca a dancing outa Mass Crooks shap a de square you see...mi kno sey shi always wear half nakid clothes and she have good shape...but laawks ma har eye dem looka bush and har nose hole dem wid and tun up in de air and mi sure sey if rain fall and she ouside she bound fe drown wid all dat wata dat gwien ketch een a dem.

    Leave a comment:


  • Hush Darlin
    replied
    Re: We hear sey....Tories fram dung a Kuntry

    den tap afta a noh Manchesta de teecha gal cum fram she come fram dung a mukko and a har madda and fadda struggle fe sen har go a teechas kallige so she coulda come out and help har 6 sista and har 7 bredda and a so she repay dem bout she ga breed...
    She mussi noh kno sey dat dey bwoy Neville wukliss and noh ah no ambishan...even if dem marrid ie nah lass lang caa dat dey bwoy lub ooman too much..
    But den a Mukko she come fram and dem dey people noh ramp fe chrow obeah or guzzo pan him...so mek him tan dey....him finally meet him match.

    Leave a comment:


  • Chrissy72
    replied
    Re: We hear sey....Tories fram dung a Kuntry

    Which pawt yuh did dey when im didda chry fi dig awf di door a Mass Crooks shap fi bruk een an dem shat im wid fish gun? massy mi king, mi hear sey im run troo di banana wawk behine di shap wid di arror inna im batty dey run [img]/forums/images/graemlins/704555_dwl.gif[/img] mi wudda like fi seet, dat was di joke of di centry. Im ongle did used to use di handcyawt fi transpoat di teefin goods dem man, wen im bade an put awn im cloze yuh cyaa beleeve sey a im same one.

    It did inna Peaches blood fram mawnin, yuh eva si how she love wear dem likkle peeca cloze dey an wine up har self to any music, a cudda even bird dey dey fly pass an mek a chirp she stawt fi wine up harself, one ting dough she always look good inna anyting she put awn, an she nuh bad looking needa. Tap mekki soun nice bout she a strippa, she a go-go a so dem nayme, mi hear she nuh tek anda 5 towzan per profawmance, a chue?
    Mi nuh noe effa a chue, but di peeca lan dem whey did outa di front likkle bit paws di square, mi hear she buy peece an dey mek big house, yuh hear? A lang time mi nuh guh dem side so mi nuh noe, dat good dough, caw some gyal ongle dey jig dem baddy fi fame, effa chue, she gat likkle ambishan.

    Di bwoy nah leff har needa, yuh nuh sissey nuh care who im dey wid im always come back to she? Yuh memba di time when im did use peeca wood an lick har dung an dem did lack im up an she guh uppa stayshan guh cuss off di police dem fi let out har man? Lawd a massy dat was a joke, even di police dem did fine eh funny, from dah day dey till now, police nuh biznizz wid dem nuh matta hummuch complane she mek dem nuh care.

    Leave a comment:


  • Chrissy72
    replied
    Re: We hear sey....Tories fram dung a Kuntry

    Originally posted by Sweetssop:
    [qb] Chrissy Oh Chrissy Oh mi hab troy fi gi guess wha mi dis hear Nerva noh dis come tell mi sey dat Neville go a Manchesta go look feem granny and tek up wid waan teecha gal and she a breed feem and dem haffi go marrid quick
    Mi hear sey dem carry Melba gawn a haspital caa she a mad... and dem ha haffi tie har dung...and de way she dey behave shi a gi lose de baby.
    Mi hear sey Nowheyfah dung a Mass Joe dey sing and dance an a jrink beer caa Melba get har cumuppance...
    what a piece a sinting eeh mah [/qb]
    Can bet sey im granny nuh bless har yie dem pan him from him sey im guh look fi granny. Mi noe im good, dat dey bwoy goodly whay gat im yie pan di teecha gyal fram lang time, an cawsen sey no baddy whey im come fram nuh want im agen im guh clear a 'chesta guh look ooman, mi nah tell no lie, im cudda fool mi to if mi was in di ooman place caw im, cute an wen im put awn two peeca cloze im tan good, nuh hide yuh canshence Sweetssop. Mi sarry fi di ooman dough, caw ah guess she nuh noe a who she have fi deal wid, but as dem sey, nutten a nuh salvayshan, mi ope she fine out soona an nat layta who Neville reely is, if a dat im tell har him nayme. Caw mi hear im did gie rang name to one gyal who did insiss sey she go regista fi har pickney inna im nayme, mi figet im tell di gyal sey im nayme Patrick Livinston [img]/forums/images/graemlins/704555_dwl.gif[/img]
    Melba a did eediat fram mawnin, so mi nuh suprize, mi ongle sarry fidi unbawn whey she dey carry, caw it very innocent. Watch when God come feem werl, a peeca pipe iron im deggo use an beat tem to sickniss, watch an si. All di one Nowhefah she, she nuh gat no whey fi tek lick, a pinch God go pinch har up.

    Leave a comment:


  • Hush Darlin
    replied
    Re: We hear sey....Tories fram dung a Kuntry

    Yes Missis mi memba how Nunville did teef...mi unkle did ketch him eena him grung wan nite and did a go chap him up but mi granny did hera de comoshan and run out a de house and beg mi unkle noh fe dweet and a so im did get wey
    But mi hear sey you should a seem dung a bay now you si...mi hear sey him nah drive hand kyat no mo a taxi im a run robot wid dung dey and de gal Peaches a mek good money as a strippa as u kno she did ha likkle coll and she a wear wan pieca weave so shi noh look bad
    But mi hear sey she nah leff Nunville caa she sey a him mek she dey wey shi dey now

    Mi dey go pinch you and tell u dis mi hear sey im dey wid Nowheyfah too....wen Peaches gawn a wukk a night time im catty har go a dem yaawd and mi hear sey a pere agony him throw pan har
    no badda sey nottin to Nerva u kno caa Minerva and Miss Leena a fren

    Leave a comment:

Welcome to vBulletin!

Collapse

Welcome to your vBulletin forum! You can click "Edit Site" above for site administration options.

ads

Collapse

Latest Topics

Collapse

Trending

Collapse

There are no results that meet this criteria.

Working...
X