Announcement

Collapse

Boardite Facebook Group


Hi All



For those boardites who are facebook we have a Boardite Facebook Group. Be sure to check it out.
See more
See less

We hear sey....Tories fram dung a Kuntry

Collapse
X
 
  • Filter
  • Time
  • Show
Clear All
new posts

  • #46
    Re: We hear sey....Tories fram dung a Kuntry

    Originally posted by ChRiSsY72:
    [qb]
    Originally posted by Sweetssop:
    [qb] mi sey deaf eays mek people tell lie and in dis yah cahe bline eye mek people tell lie caa a diffrant set a people u dey chat bout wi noh kno dem dey people wey u dey tawk bout [/qb]
    A who she Sweetssop, a who fah pickney she be, a nuh she come fraw ova Barracks?
    A muss di rang setta peeple dem she dey tawk fi chue caw mi nuh noe har, a so peeple dead an nuh noe wha dem dead fah. She betta galang guh mine har biznizz. [/qb]
    no sah mi tink a waan mad ooman wey cum fram dung a Vere...she noh come fram bout yah at all..mi hear sey shi go a Englan and de ice full up har head an mad har [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]
    http://i44.photobucket.com/albums/f4...sop/Sweets.gif

    Comment


    • #47
      Re: We hear sey....Tories fram dung a Kuntry

      Chrissy u did memba Nerva granny wey name Miss Kahrow..what a ooman couda cuss and den every sunday she gawn a cherch and mek sure sey shi siddung right up a front and oh be onto the smaddy wey mek de msitake and siddung eena fi har spat...and she did ha waan grandson wey name Harville feem madda did dead mi sey fly couldnt pitch pan Harville or no baddy couldnt even look pan him to hard she ready fe cuss dem
      Miss Kahrwo did ha waan son wey name Breed and him did marrid to waan ooman wey name Valdi who use to jrink and jrunk an cuss
      Miss Kahrow did ha waan nedda sone wey name Sam who use to teef peeple go and carry dem go sella Macooks Pen pan sundeh
      Mi sey what a sey a fambily did tan bad.
      Fe Nerva fadda him did name Bulla and him wife did name Georgie mi sey she did Hugley u see man if you a walk a dawk nite and si har dey cum u betta dash salt and run caa u woullda ha nightmare dat dey nite ie see...
      Mi sey wne mi Karro did dead everybaddy eena de districk did fraid u see...caa she use to walk and cuss badd wud ...fe husband did name Sarjant what a mand did ugly and shaawt,,,him did ha waan bredda wey dem call Hendri Mangoose
      memba if you seem and a go call im so u betta plane fe run and site rack stone awho
      Mi memba one time wen dem did a do cash program road werk and dem bwoy who did a werk wid im did get some egg trash and hide ie and den dem go pretend sey a buck dem buck up pan dem so dem coulda mek game afta Hendri Mangooose sey a him teef the fowl egg dem an nyam dem
      http://i44.photobucket.com/albums/f4...sop/Sweets.gif

      Comment


      • #48
        Re: We hear sey....Tories fram dung a Kuntry

        Patsy neva dead laws year? Mi cudda swear a she cow did buck an bruk awf one a di hawn inna, an she dead rite pan di spat. Yuh memba dat? it was so sad, mi neva guh ova di bush guh look pan di baddy atall, mi an dem peeple a neva fren anyways an alla di sista dem did fayva so mi neva noe dem diffrant mi call dem any nayme mi memba if mi haffi sey anyting to anyone a dem, plus dem ansa to any nayme...dem bwoy used to call dem Miss Tilda octoplett, di 8 a dem did fayva so till.
        Mi cyaa figet wen di cow did buck har, di cow did dead to caw di hawn did bruk bad, mi hear sey di owna fiddi cow Mass Sylvan bring im butcha nife an scale wen im ere, limb up di cow same place an sell im beef fi half price...fi di whole week di evry baddy inna di community nyam beef fi dinna. Mi hear dem bwoy always dem mek joke sey eff crowd neva come quick, Mass Sylvan wudda sell di dead gyal fi prime stake. [img]/forums/images/graemlins/704555_dwl.gif[/img]

        Mi laff atta Flotto when mi hear sey im did ketch di sitten fraw Patsy, serve im rite, caw im didda gwaan like im nuh deal wid dem gyal dey, mi ere no nite cudden paws an im nuh fling pebble pan di house tap, two pebble im fling so bip, bip an Patsy noe sey a fi har call dat, den she tell har madda sey she deh guh dung a di tilitt, a dung dey dem used to meet, no wanda she did sumell so bad. Flotta tawk bout 12 diffrant torey fiddi one sinting, mi hear wid mi two haze dem wen im didda tell some bwoy sey a chew becaw im ride dankey an jrap awf an lan pan im back im back strain so im gat di leak, den one nex time when mi did teef out fi guh watch di karachie show uppa di bamboo lawn mi ere im dey tell one nex bwoy sey im neva gat nutten caw wen im did dweet wid Patsy dem did dweet inna riva, an yuh cyaa ketch nutten when yuh dweet inna riva, mi nuh beleeve dat. Mi cyaa figet di time when Flotto Flotto did tell, Wingie fi jrink pepsi an lay dung flat pan har belly afta dem done duh outa-awdaniss fi nuh get pregnant, dat bwoy always cum up wid some chupid sinting, no wanda dem dey ketch dizeeze anda dem kakah, caw dem nuh practice fi proteck dem self, di gyal dem dis as bad.
        Wha Bev tell yuh sey she did uppa di dacta fah? Wha mek she nuh tawk fi har torey? All di same a yuh fren so mi nah sey nutten, mi hear a bout di fiff belly she dash whey.
        However, this opinion may be disabled by the message board administrators at any time.

        Comment


        • #49
          Re: We hear sey....Tories fram dung a Kuntry

          Originally posted by Sweetssop:
          [qb]no sah mi tink a waan mad ooman wey cum fram dung a Vere...she noh come fram bout yah at all..mi hear sey shi go a Englan and de ice full up har head an mad har [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [/qb]
          Awoe, mi noe arr, di whole setta dem mad fi chue, mi hear sey dem guh a Inglan guh look up pan di clack whey name Big Ben. [img]/forums/images/graemlins/704555_dwl.gif[/img] no wanda mi neva recagnize har, aye sah, mi ere sey she an har fren gat trait jackit dey wawk wid, mi ere addi same trait jackit she did ave awn an har fren bruk sawff jrinks bakkle an cut di jackit inna di back so she get out a it an di two a dem run outa di hospital.
          However, this opinion may be disabled by the message board administrators at any time.

          Comment


          • #50
            Re: We hear sey....Tories fram dung a Kuntry

            TO BE KANTINUD
            http://i44.photobucket.com/albums/f4...sop/Sweets.gif

            Comment


            • #51
              Re: We hear sey....Tories fram dung a Kuntry

              Originally posted by Sweetssop:
              [qb] TO BE KANTINUD [/qb]
              Yuh si yuh, a yuh one! mi done chat peeple torey, yuh is one instigaytah, mi nah chat nummo addi peeple dem torey. Galang a yuh bed torey bella [img]/forums/images/graemlins/704555_dwl.gif[/img]
              However, this opinion may be disabled by the message board administrators at any time.

              Comment


              • #52
                Re: We hear sey....Tories fram dung a Kuntry

                No man a nay Patsy did dead lass year a the sista wey name Navlet wey the police dem out a station use to tek mek matrass...gal u shoudda see Patsy now u see ...gal look good u see...she go a Canada a year time pan the farm werking program wey dem ha fi ooman,
                You dun kno fimmi granny she nah nyam day dey beef at all and chroo dat fe yuh granny she nay buy none needa...mi hear sey fe monts de people dem neba stay out afta dawk mi hear sey all dung to the berry police dem did fraid a har mi hay sey a pere red and black breef dem did a wear and dem hardly use to patrol a nite time.

                Den Bev she is a nedda tory misis...a mi fren but laawd what a gal fe dash wey belly...mi sye one time she sen har likkle sista comeova mi yaawd come ask mi granny fe Blue (the blue wey u rinse white clothes eena) so mi like ediat and nay kno betta go eena mi granny baskit wey shi kip unda har bed wid dem sittn dey and tek out wan hola one and send ie go gi har and nay kno sey a belly she did a go dash wey widdi.
                Few days afta mi hear sey she end up eena haspital a bleed and pain a kill har and wen mi tek a stack a noh dash wey she dash wey belly...mi naily dead and wen mi ask u grany bout the blue she sey a dat the wukliss gal use...mi hear sey de dackta warn har and tell her next time a dead she gwine dead if she try anyting lika dat again.
                Now she marrid and waan ha pickney and cyaan ha none...as mi granny use to sey she tek har belly mek cemetry and wen the day a judgement come she haffi go face Mass Gad wid all a dem likkle pickeny a heng roun har frack tail a halla mamma mek u nay mek mi bawn....mi noh kno wey granny get dem dey sittn dey fram but a so she alwys sey
                http://i44.photobucket.com/albums/f4...sop/Sweets.gif

                Comment


                • #53
                  Re: We hear sey....Tories fram dung a Kuntry

                  Compry nah pay unnu nuh mine....

                  [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]
                  When you educate a boy, you educate a person. When you educate a girl, you educate a family, a community, and a Nation.

                  Comment


                  • #54
                    Re: We hear sey....Tories fram dung a Kuntry

                    me say outta Sweets and Chrissy a dont know which one wussarra to fawt.., [img]/forums/images/graemlins/704555_dwl.gif[/img]

                    to two nice and fun loving sisters.., [img]/forums/images/graemlins/704555_dwl.gif[/img]

                    lub unu cyaan dun.., [img]/forums/images/graemlins/laugh.gif[/img]
                    “Those who know your name will trust in you, for you LORD, have never forsaken those who seek you” (Psalm 9:10)

                    Comment


                    • #55
                      Re: We hear sey....Tories fram dung a Kuntry

                      Originally posted by Ctry:
                      [qb] me say outta Sweets and Chrissy a dont know which one wussarra to fawt.., [img]/forums/images/graemlins/704555_dwl.gif[/img]

                      to two nice and fun loving sisters.., [img]/forums/images/graemlins/704555_dwl.gif[/img]

                      lub unu cyaan dun.., [img]/forums/images/graemlins/laugh.gif[/img] [/qb]
                      mine mi mek Chrissy get waan false foot fe you [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]
                      http://i44.photobucket.com/albums/f4...sop/Sweets.gif

                      Comment


                      • #56
                        Re: We hear sey....Tories fram dung a Kuntry

                        Mi soon come back to yuh kayliss fren Bev torey, mi haffi tell yuh dis mi chile as mi an Melba tun big fren an she call mi pan mi cellie laws nite. Guess wha? mi nuh fine out sey Melva an Miss Leena a fawmbly mi dear, she tell mi dem nuh too gree from dem did mek joke outa how Miss Leena sista did bring di wooden foot whey cudden use. Melba sey di sista bring whaa leff foot an addi right foot did cut awf, plus di foot she bring affi attach fram di nee an poe miss Leena foot cut awf likkle below har groin. Har neighba Miss Lolita come fraw Englan di sedd summa an bus out di torey how a teef Miss Leena sista Miss Tanzane teef di wooden foot fraw di haspital whey she didda werk. Melba neva noe wha cum out it as di naybah neva come back inna di districk an Miss Tanzane di guh a Canida guh werk fi some rich peeple. Can bet how she teef milk outa cawfee an di peeple dem nuh fine out, bwoy ebry whey some peeple guh dem bring dem sticky finga doe eeh?

                        Aye sah, yuh haffi tek seeruss ting mek joke sometime eh nuh, caw dis izza serruss case but mi haffi laff when Melba ax mi eff mi neva noe sey Neville dey a prizon fi fawjry, teff, kidnap an impersonatin. Mi nuh noe di man but she sey im was pretending sey im was Ely Jenkins, afta im an Panjella big bredda who wassa soljah kidnap di man, sell out di alla di man prapaty an adda values den dem run whey guh a Town. Dem dey a Town living lawge, mi ere Neville him even dey guh a big meeting like imma Ely Jenkins. Melba sey ow dem ketch im is when im mek deal wid wanna Ely Jenkins long time fren fi sell di laws peeca lan dung a di country, di ooman now play fool fi ketch "wise" an stawt to ax whole eepa personal qwestian bout feem Ely personal life, poe Neville nuh noe di ansa dem, so di ooman cawna him an call police an har lawyah pan di brute. Di lady sey she was reely kancern how Ely dey sell out evryting, so she had was to meet wid Ely fi ax him wha reely dey gwaan, fuss look she look pan Neville she noe dat wuzzent har fren Ely, caws di false beard and flour inna him ed fi mek eh look gray neva trick har fi mek she think a im.
                        Neville did good to backside eh nuh, mi wanda sometimes effa bwoy dey deal, caws some addi sinting whey im duh an get whey widdi mek yuh haffi wanda.

                        Den nex torey yah now, Melba nuh mek mi noe ow di same jrunkie jrunkie gal did baptize an dey luss affa di young pastah. One hell did bruck out inna di church when she guh ketch belly den guh tan up inna church when a testimony time an mek nouncement sey a fi di young pastah di belly, one peeca sinting Melba sey gwaan inna di church, das di eldaly peeple dem haffi pray an faws an ax Gad pawden an chry di Bible an key trick. Dem call evry man nayme inna di districk bawn out har fambily membaz, di key neva shiff one bit, so mi Melba sey a yer same chatty chatty antie bawl out fram rouna di back addi church fi chry di man dem nayme inna har fambily. She sey hell bruck loose inna di church when dem call har uncle nayme, di big foot one whey neva wear shooze, di sed one whey dem call Placatan foot.
                        Ten torey inna one, Melba sey di torey neva tap desso, a chue Melba neva noe a who fi gi di belly caw a neva one man dey guh dey, mi ere she even call di Decan nayme an canfess sey a lie she didda tell pan di pastah, one peeca sinting when di torey reach di uncle haze, Melba sey di uncle run dung di Decan wid mashate an swipe affa him neck fi chap eh awf, she sey a soso bad wud di Decan cuss meen wile dey run fi get whey fram Melba uncle. Mississ, eff mi was didey mi sure wudda pass out dey laff, yuh shudda ere mi pan di fone laws nite.
                        Now wha yuh didda sey bout kayliss Bev?
                        However, this opinion may be disabled by the message board administrators at any time.

                        Comment


                        • #57
                          Re: We hear sey....Tories fram dung a Kuntry

                          Evry baddy noe Bev dutty torey. Den yuh neva noe a same way har mah tan? Yuh neva noe sey a so comes har big sista Panzell did dead, mi ere ah mah bwile up dah same blue dey wid ole nail, pepsi an some adda bush an gie har fi jrink, but mi ere sey di belly whay ole, Panzell was 5 monts eena di pegnancy sayka fi dey hide den lie bout how lang she have up di belly. Dem shudda lack up di mah, all di puppa to, caw im noe wha di mah wuzza duh an im did agree wid har, so nuh badda tink mi soprize yah now how di one Bev tek up di trade, mi ongle ope she nah invite adda yung gerlz to har "clinic" like whey har mah used to do, mi swear bline a she did kill awf di likkle gyal who did dead sudden fraw dung a di All Age skool, yuh memba ow we used to ax arr ow arr bress dem get so big all af a sudden? Mi cudden beleeve when mi ere she dead, den wha mek mi more canvince seh a Bev mah bwile up one kill belly poshan fi har is when Bev likkle sista tell dem uppa dem skool sey di likkle gyal was hawty hawty ova har yawd di day b'fore she dead.

                          Nuh my man dey whey live craws di pine field son Bev married to? Mi ere him nuh stap gie har bun, a 3 pickney mi ere im get a road wid 3 diffrant ooman, an two dey breed feem yah now, mi nuh rang im, plant im seed yes! caw mi ere Bev she tie im up inna sweet rice an dey boast bout ow she nuh want fi ha no pickney caw arr figa we spwile. She cyaa fool me, betta she tell dat to sumaddy who nuh noe har dutty torey. Nutten cyaa save har caw fi har breedin bag expire, she done out like a ole rawble out crocuss bag whey dey wipe foot pan a doe way. She cyaa tawk no day mek mi ere...bout har figa...an bout she nuh want fi gat pickney. Mi ere sey one day she guh uppa har husban werkplace an dey ax bout hummuch money im get a fawtnite. Yuh noe sey mi an Flemeen a did fren fraw lang time, a she did get di secritry werk uppa di gas stayshan whey di husban werk, she tell mi Bev cum up dey a questian questian an alla dey ax eff none a di baby madda dem dey come fi money, den go tell Flemeen ow arr husban sey im nah spwile har figa so im nah get arr pregnant, aye sah fi yuh fren Bev nuh ez atall. Tell har fi guh dung pan har nee everynite an ax Gad fahgivness fi alla dem wickidniss she duh to har unbawns...she nawsy an juss sick mi tummuck sah! *spit a grung*
                          However, this opinion may be disabled by the message board administrators at any time.

                          Comment


                          • #58
                            Re: We hear sey....Tories fram dung a Kuntry

                            Sweetssop, mi didda chry get yuh fraw mawnin pan yuh celli but all mi dey get a yuh machine an mi nuh chat to machine, so mi juss tap chry. Mi hawdly cudda wait till mi si yuh fi gie yuh dis yah peece. Mi si Nunville laws nite dey jrive F150, tap a mi foot bout eff mi want guh fi a jrive out. Mi juss look pan im trait eena im yie an ax im eff im noe mi, bout im want to get fi noe mi, mi haffi ax im di qwestian bout chree more time, den tell im who mi reely is caw im chuly neva recagnize who mi is till mi remine im, bout ow di werl sumall, like im did noe mi fraw somewhey adda dan Juhmayca.
                            Knowing me, mi cudden mek im guh whey an mi nuh ax im whey pawt im get dat dey nice veekle dey jrive. Ferse mi didda gwaan nice pan im caw yuh noe mi arredy, den mi tek time ax im bout peeple dung a cuntry till mi ax im bout di veekle...bout im a biznizz man, so mi ax im wha kine a biznizz im inna, im sey import an transport an dey laff. Mi nuh noe Nunville as no biznizz sumaddy, im nat even gat di brains fi run a stall fi sell cigarette an likkle liquor pan di cawna muchless fi guh gat big biznizz. Hear wha bun mi now, dis facety bwoy deggo ax mi eff mi gat visa arr eff mi want fi guh a Inglan, bout im can set up a chrip fimi, mi juss tell im nuh sarry fimi an im go fine imself inna di same prizon cell wid Neville. Can you beleeve dat dutty bwoy, want mix mi up inna im dutty life, effa one ting, mi nuh red yie an licky licky, mi wee gwaan werk mi dalla dalla till mi can reach somewhey, mi beleeve inna werking awd, hanessly an mose impoatant legally...a fresh im mussa fresh imself...im awm mussa dey tink pan im.

                            Den guess wha? mi guh jream laws nite, jream sey cow didda run mi dun an mi stawt fi fly, wha dah jream dey mean, wha numba mi cyaa buy inna di lattry? Mi tiad fi chry affa di lattry an nat even eva ketch a free tickit so mi did quit, but a lang time mi nuh jream so mi tink mi dey get a messige, an mi wudden mine be a millianeer...chry seef yuh cyaa sife out di jream fimi mek we share di money...depenz pah hummuch inna di jackpat yuh mite get one tirteent.

                            Tawkin bout money, Melba did tell mi she deggo stawt one pawdna nexx mont an ax mi eff mi wha fi come een dey, mi juss tell ar mi wee tink bout eh, she did tell mi fi ax yuh bout eh to, but chue mi noe she an money nuh gree, she lob spen an barrow an beg, mi wudden even jine di same bank she jine ow mi fraid she barrow di money an mek dem run up inna bancrupsy wid my money in dey. Tink a like ow mi did guh jine up inna pawdna wid Panjella mah an she tek ferse, secan an terd han an she was ongle di banka, neva gat a han een dey...all now mi nuh done get mi money, mi haffi put mi mad uncle pan di case till she stawt pay mi likkle likkle...hole awn dey, mi ere sumaddy dey nack pah mi doe.
                            However, this opinion may be disabled by the message board administrators at any time.

                            Comment


                            • #59
                              Re: We hear sey....Tories fram dung a Kuntry

                              see the story yah
                              http://i44.photobucket.com/albums/f4...sop/Sweets.gif

                              Comment


                              • #60
                                Re: We hear sey....Tories fram dung a Kuntry

                                Fram I was birtid outa mi madda. [img]/forums/images/graemlins/704555_dwl.gif[/img]
                                However, this opinion may be disabled by the message board administrators at any time.

                                Comment

                                Welcome to vBulletin!

                                Collapse

                                Welcome to your vBulletin forum! You can click "Edit Site" above for site administration options.

                                ads

                                Collapse

                                Latest Topics

                                Collapse

                                Trending

                                Collapse

                                There are no results that meet this criteria.

                                Working...
                                X