Announcement

Collapse

Boardite Facebook Group


Hi All



For those boardites who are facebook we have a Boardite Facebook Group. Be sure to check it out.
See more
See less

We hear sey....Tories fram dung a Kuntry

Collapse
X
 
  • Filter
  • Time
  • Show
Clear All
new posts

  • Chrissy72
    replied
    Re: We hear sey....Tories fram dung a Kuntry

    Originally posted by Sweetssop:
    [qb] You mean de ole teefin bwoy wey name Nunville...den a noh lang time she and dat dey bwoy bruck up...im did leff har fe Miss Leena look a bush eye gal wey name Peaches and dem did gone a Bay gaa wuk him as a Hand kyaart driva and she as a strippa eena Fantasia Club [/qb]
    Him same one, massy mi king watta bwoy did teef, im teef all wha im nuh si, peeple mango an brefroot tree cudden bear inna peece, as di mango dem come outa blassom a im dat pan di peeple dem tree an gaw sell to Miss Cherry who used to sell uppa school gate, dat ooman was teef, one mango fi 50 cent yuh memba? Den Miss Leena an she wuzzent fren...nuh dem used to put awn di bingo pawty dem dung a Mass Ralstan bar? Mi did noe sey dah likkle gyal dey was up to suppen eh nuh, caws all di wile mi si she an im dey chat up an bout dem a juss fren, but yuh noe how dem dey peeple mix up, mi juss observe an nuh sey nutten, mi did tell mi self sey everyting wee come out inna lite, seet dey! Mi neva haffi sey nutten.
    Nunville did leff outa im mah house yet, wat a bwoy did wukliss, ave dem eppa ooman an pickney an still katch up a him mah yawd. Dat alone mek mi wudden want im fi nutten.

    Leave a comment:


  • Hush Darlin
    replied
    Re: We hear sey....Tories fram dung a Kuntry

    Originally posted by King dahjah:
    [qb]
    Originally posted by Sweetssop:
    [qb] wha you tinkin bout now dahjah [/qb]
    jus a wundah why yuh waan tell har dem ting deh. [/qb]
    mi wuz jus deliverin a messij...das all and she undastan wha it bout

    Leave a comment:


  • Hush Darlin
    replied
    Re: We hear sey....Tories fram dung a Kuntry

    Chrissy Oh Chrissy Oh mi hab troy fi gi guess wha mi dis hear Nerva noh dis come tell mi sey dat Neville go a Manchesta go look feem granny and tek up wid waan teecha gal and she a breed feem and dem haffi go marrid quick
    Mi hear sey dem carry Melba gawn a haspital caa she a mad... and dem ha haffi tie har dung...and de way she dey behave shi a gi lose de baby.
    Mi hear sey Nowheyfah dung a Mass Joe dey sing and dance an a jrink beer caa Melba get har cumuppance...
    what a piece a sinting eeh mah

    Leave a comment:


  • dahjah
    replied
    Re: We hear sey....Tories fram dung a Kuntry

    Originally posted by Sweetssop:
    [qb] wha you tinkin bout now dahjah [/qb]
    jus a wundah why yuh waan tell har dem ting deh.

    Leave a comment:


  • Chrissy72
    replied
    Re: We hear sey....Tories fram dung a Kuntry

    Originally posted by Sweetssop:
    [qb] Kakka Faawt mi knoi de people dey wey u dey tawk...noh Miss Matty and Mass Leandro dawta u dey twakk...mi nay kno sey a im she did breed fah...but mi noh did hear sey a Minerva a go mek Melba weddin frack and a Compry a go mek de cake fe Melba and Neville weddin
    Mi hear sey a dahjah dem a get fe play de musick and a Yardy a go cook de food [/qb]
    Yuh noe all dis time mi tink a Miss Fatty she did name, a so mi always call har [img]/forums/images/graemlins/704555_dwl.gif[/img] afta she so fat, aye sah. But yes a she same one, poe likkle pickney neva get fi finish high skool sayka dat bwoy. Mi hope alla di adda gyal dem learn from fi har an di adda gerl dem expeerence wid im, soona ar layta im haffi guh furr guh look ooman, caw im dey bill a reputayshan feem self yuh si, well it bill arredy, a juss di fool fool an licky licky gyal dem im dey ketch, an im cyar nat even hot. A mussi di loud music dey fool dem, caw mi sure know sey a nuh di ole 323 Mazda whey im gat.

    Mi neva noe nutten bout di wedden. Mi haffi guh ask Melba bout eh.

    Leave a comment:


  • Hush Darlin
    replied
    Re: We hear sey....Tories fram dung a Kuntry

    No man Compry kno dem by diffrant namne a dat mek she sey shi noh kno a who wi dey tawk bout...but wi nah go mek har no wiser
    You noh sissey she eena a har owna chread a chat to har self...mi tink shi need some and some [img]/forums/images/graemlins/tongue.gif[/img]ray:

    Leave a comment:


  • Hush Darlin
    replied
    Re: We hear sey....Tories fram dung a Kuntry

    You mean de ole teefin bwoy wey name Nunville...den a noh lang time she and dat dey bwoy bruck up...im did leff har fe Miss Leena look a bush eye gal wey name Peaches and dem did gone a Bay gaa wuk him as a Hand kyaart driva and she as a strippa eena Fantasia Club

    Leave a comment:


  • Chrissy72
    replied
    Re: We hear sey....Tories fram dung a Kuntry

    Originally posted by Sweetssop:
    [qb] a Compry did tell mi soh missis...and she muss kno caa she and Melba and Nerva a good fren...Plus Nerva madda Minerva and Compry bredda dey [/qb]
    Den how Compry dey gwaan like she nuh noe nutten? Dem wukliss eeh? den Nerva madda an di young bwoy did leff? Di one who wassa play football fi di community club? mi nuh memba wha him name, but addi same one whey peeple didda spread news sey a im did rape di lady who wassa come fram church. Yuh memba dat? Mineva neva mek fun fi fite awf anybady she hear wid di torey, dat was one big ole joke. [img]/forums/images/graemlins/704555_dwl.gif[/img]

    Leave a comment:


  • Hush Darlin
    replied
    Re: We hear sey....Tories fram dung a Kuntry

    Kakka Faawt mi knoi de people dey wey u dey tawk...noh Miss Matty and Mass Leandro dawta u dey twakk...mi nay kno sey a im she did breed fah...but mi noh did hear sey a Minerva a go mek Melba weddin frack and a Compry a go mek de cake fe Melba and Neville weddin
    Mi hear sey a dahjah dem a get fe play de musick and a Yardy a go cook de food

    Leave a comment:


  • Chrissy72
    replied
    Re: We hear sey....Tories fram dung a Kuntry

    Mine? mi sarry fi she an dat dey belly effa reely im she dey breed fah. Yuh know di peeple dem who whay live uppa di house infront a di Sabbatt church whey dey infront a di Hardware store? Well di likkliss sista di one whey did guh a high school, mi hear she gat one pickney fi Neville an fram di likkle pickney gat di belly im nuh gie har nat eva one red cent. Mi blame har big time caw dem did know sey a so im tan, caw im nah mine di one whey im get wid Sherran, an if yuh see how Sherran pickney fava him, yuh eva sidi pickney yet? dead stamp! Di whole a dem lucky, a dutty torey dat an mi nuh want fi get mixup inna dem torey.

    Leave a comment:


  • Hush Darlin
    replied
    Re: We hear sey....Tories fram dung a Kuntry

    But who else wudda waan marid to Nevill...him deserve Melba and Melba deserve him.... de two a dem cut aff a dem same clath....

    Leave a comment:


  • Hush Darlin
    replied
    Re: We hear sey....Tories fram dung a Kuntry

    a Compry did tell mi soh missis...and she muss kno caa she and Melba and Nerva a good fren...Plus Nerva madda Minerva and Compry bredda dey

    Leave a comment:


  • Hush Darlin
    replied
    Re: We hear sey....Tories fram dung a Kuntry

    Chrissy mek sure sey u continue to ignore that public notice thread to you an me...please dont go in there

    Leave a comment:


  • Chrissy72
    replied
    Re: We hear sey....Tories fram dung a Kuntry

    No sah, mi neva hear, den yuh tink she wudda tell mi dat? Mi an Neville nuh chat agen, mi mine did tell mi, but chue mi nuh want fi get miself inna dem mix up mi shet mi mout. So a who tell yuh dat. Since when yuh si Neville, mi hear im was fi married, a true? an a who im fi married to, a cyaa Melba, caws dat dey gal use an hangle im like im a bwoy, but den agen a dat im deserve, mi wudden sarry feem, but im wudda chupid fi married to she di way how she angle im.

    Leave a comment:


  • Hush Darlin
    replied
    Re: We hear sey....Tories fram dung a Kuntry

    Oh ok so a dat mek...u neva see sumoke widdout fiyah...mi did hear sey Melba nay did a go tell Nerwheyfah boutee u know...well good ting sey she leff him now so Melba can have him byherself...mi ongle hope sey him mine de baby

    Leave a comment:

Welcome to vBulletin!

Collapse

Welcome to your vBulletin forum! You can click "Edit Site" above for site administration options.

ads

Collapse

Latest Topics

Collapse

Trending

Collapse

There are no results that meet this criteria.

Working...
X