Jamaica Tek World By Starm Lightnin - Jamaicans.com
Poems

Jamaica Tek World By Starm Lightnin

See im Mummy a yahd
Wondah why im wuk ‘ard?
Now is she feel im joy
Well proud a im boy

A she  pickni did dare
Return di world’ stare

Bredren cotch pon di wall
Dem a watch im grow tall
Dem a laugh aftah im
Why wayse time a gym?

Different gun a im fate
No im nah ‘esitate
Fran dat pistol did fiah
Nuff yout im inspiah

In Jamaica time ‘ard
Unger pass true nuff yahd
Plenty penny ‘affi scrape
Fi mek im rise to im fate

When im weaken wi’ doubt
Ol’ Pappy call im out
Muss Anansi nah seh
wiffess mahn lead di weh?

Im nah believe in ‘go slow’
Ee ave no paht in im show
Ah nah backward we move
Every life muss improve

Almighty God give im giff
Mahn nah trifle wi dis

If im give tanks an praise
Di roof ee muss raze

Of course im did dance
Im leff nuttin to chance
When im lightnin unleash
All Jamaica at peace

Di world cyan keep pace
When tree million a race
Fran di rooftop muss ‘allah
Out of Many, One Callah

 

TUNDAH

When we witness di Bolt

Whole a we wondah
More time a great flash
Muss follow wi Tundah

Tundah roll in like wrath
When Jamaican a run
Victree a di path
Pon di crack a di gun

Dem ‘ave different guide
Each endure tribulation
Yet dem nevah top ‘tride
Fi di pride a dem nation

To reach to Beijing
Juss a part a dem goal
For each a dem bring
Dem ‘art an dem soul

Each a dem Daughtah
Muss one in a million

When dem burss fran di block
All doubt did erase
Da ress a di world
Dem force fi give chase

When dem come pon a chain
An emerge fran di pack
Mi hie dem a strain,
Rollin Calf at dem back?

When dem pass tru two chain
acrafice a kick in
o much ‘ear dem a train
Pity juss one muss win

When tree chain dem reach
trickly Black, Green an Gold
Generation muss teach
Dat dem tale gwan unfold

When four chain did done
Dem done wi denial
When Jamaican a run
Dem cyan run single file

As dem come pon di finish
Tree spirit a soar
Muss entire planet
‘Ear Jamaican a ROAR

Each a dem Daughtah
Muss one in a million
Yes

Each a dem Daughtah
Muss one in a million

Kerron an Sherone
A silvah dem tun
While likkle Shelly-Ann
A di golden one

When dem axe aftah im
We nah surprise fi see
Im run fi im country
An im joyful fi we

Mahn seh daughtah tek longah
Muss careful, nah blink
Veronica strongah
Dan mahn an mahn tink

Mel a reach to di wiah
Im pace set too bold
Jamaican on fiah,
Dem obsess wi gold!

Recard nah frighten
Dem all smash asundah
Yes if Bolt a di Lightnin
Ooman a Tundah

URRICANE

Firss come di Lightnin
Di Tundah a follow
Gahd grant deeze victree
Not one a dem hollow

Well firss come de lightnin
An den fallah Tundah
Wise Jamaican a wait
Weh di Stahm? dem a wondah

True di Cloud dem a gaddah
Dis eah no time fi play
Di People dem raddah
Carry ‘ome di relay

Wait, nah leff di team
Becah ‘ere come di Hie
Dis de Olympic Dream
Dem cyan be deny

Rain come quench we tirst
But di Sistren too fass!
Juss as lass muss be firss

More time firss muss be lass

Well when team tek di track
Asafa di anchah
Dem nah baddah look back
Dem nah trouble by rancah

Dem feeget bout Rogge
Im affi dress back
Commin like mahn ol’
Wahn im puss nap

Muss remembah, fee-evah,
Time cannot diminish
World nah see ee, no nevah
Dem cyan share ‘photo finish’

Much a dem sank
An kiss muddah eart spritely
Each tek time fi tank
Dem Lahd Gahd Amighty

Nah check fi ee now
Nah wail no nah weep
Team Jamaica a vow
oon fahward fi sweep

Now a yahd we a roam
Nuff medal we shelve
In our ‘ome weh fran ‘ome
We a tek ee a twelve

Now dis ting dem call progress

Dem say muss incremental
Jamaica nah check fid dat
As we carry back nuff medal

Jamaican ah upfull
Carry song a we ‘eart
Jamaican ah ‘opeful
Dat di whey we a start

Bad mahn an bad mahn
Axe wha Olympic dem teach
Why, di fahdah we strive
De fahdah we reach

So rejoice! Top complain
Peace muss Rain down upon us

For dis a di ‘Urricane
Tundah an Lightnin a promise

Mek dis lesson nah leff you
hout out fran church steeple
Mek di world know fi true
Out of Many, One People!

About the author

SteveShaw