Jamaican Olympic Team & Usain Bolt - A true champion
Poems

Jamaican Olympic Team & Usain Bolt – A true champion

Mi gi tanks fi Massah Bolt Hall White Man tap mi pon road

Dem waan fi know hif ah mi relative?

Mi seh

“Den nuh muss…

Mi uncle aunty fardah breddah son tree time remove!

” Mi tell dem wi chat hall di time

Yuh nevah si him pon him phone

When him crass di finish line?

Dem waan fi know ah weh him com fram?

Ah weh him live?

Mi seh downah mi gran puppa district

Nought ah wan place call St Elizabit

Dem waan fi know ah wah him nyam?

Mi luk pon dem Roll mi yeye Han seh..

“Den yuh nuh hear bout Trelawny Yellow Yam?

” Dem waan fi know ah wha mek Jamaicans suh tuff Mi seh…

“Well yuh waan si…

Our Ancestahs blood well trang innah wi

When yuh haffi run goh ah school fi miles

Road mash hup, nuh wartah, no light – life ah living ruff

Hall yuh waan doh ah fi mek di mosse ah wah

Gad gi yuh E’eryting yuh gat

” Dem waan know bout di yute dem pon di

Holympik team Mi seh…yuh nuh si dem ah live dem dream

Dem nar warri bout how tings hard

Dem juss know dem haffi reprisent di people, di Rock Wha sum ah wi call Yawd!

Mi seh..Lawd, tenk yuh fi dem han fi Massa Bolt

Mi likkle bizniss gawn worle wide Chue wan ting name di hinternet

A Chiney man call mi celly

Seh him waan tess mi concoction mek wid coconut jelly

Di same ting dat gi yuh trang back han fix hup yuh belly

Mi caan tap tell yuh how dem han Massa Bolt hopin door Yuh si wan time Jahmakehan people nuh tap get dispise Peeple…yuh tink ah wan han two likkle lie

But di Trelawny strang back bwoy

Mek dem shut hup han respek wi

Watch dat when yuh walk street

How hit ah happen hall di while

Now wi ah get nuff feecha pon telly! S

oh….mi jussah seh Fi gi tanks toh

Massa Gad Fi di yute dem han di wan likkle bwoy from Trelawny

Who mash hup di worle bad, bad

Di wan who put fi mi biznezz pon di map

Till hall wan likkle Chiney man fram woi woi

Know bout wha likkle sinting mi a sell

Bout di likkle ting dem mi gat…

So..mi ah tell yuh Tek di yute dem hexampul

Han tenk Massa Gad Fi Massa Bolt, di chue sample!

Dedicated to the Jamaican Olympic Team & Usain Bolt – A true champion

About the author

KwameM.A McPherson