Tundah
Poems

Tundah

When we witness di Bolt
Whole a we wondah
More time a great flash
Muss follow wi Tundah

Tundah roll in like wrath
When Jamaican a run
Victree a di path
Pon di crack a di gun

Dem ‘ave different guide
Each endure tribulation
Yet dem nevah top ‘tride
Fi di pride a dem nation

To reach to Beijing
Juss a part a dem goal
For each a dem bring
Dem ‘art an dem soul

Each a dem Daughtah
Muss one in a million

When dem burss fran di block
All doubt did erase
Da ress a di world
Dem force fi give chase

When dem come pon a chain
An emerge fran di pack
Mi hie dem a strain,
Rollin Calf at dem back?

When dem pass tru two chain
acrafice a kick in
o much ‘ear dem a train
Pity juss one muss win

When tree chain dem reach
trickly Black, Green an Gold
Generation muss teach
Dat dem tale gwan unfold

When four chain did done
Dem done wi denial
When Jamaican a run
Dem cyan run single file

As dem come to di finish
Tree spirit a soar
Muss entire planet
‘Ear Jamaica a ROAR

Each a dem Daughtah
Muss one in a million
Yes

Each a dem Daughtah
Muss one in a million

Kerron an Sherone
A silvah dem tun
While likkle Shelly-Ann
A di golden one

When dem axe aftah im
We nah surprise fi see
Im run fi im country
An im joyful fi we

Bob seh daughtah tek longah
Den careful, nah blink
Veronica strongah
Dan mahn an mahn tink

Mel a reach to di wiah
Im pace set too bold
Jamaican on fiah
Dem obsess wi gold

Doze recard nah frightnin
Dem all smash asundah
Yes if Bolt a di Lightnin
Ooman a Tundah

About the author

SteveShaw